Ginapamalibaran it pilang senador ro ginaduso it Department of Health ukon DOH nga dugang nga buwis sa mga matam-is nga ilimnon agud nga masolusyunan ro obesity sa nasyon ag dugang nga pondo man sa universal health program.
Suno kay Senador Sonny Angara, chairman it Senate committee on Ways and Means nga sa makaron hay may laye eon para sa mga matam-is nga ilimnon ukon sweetened beverages ag kinahangean man nga tun-an it mayad ro proposisyon bangud nga mataas ro inflation makaron.
Sa idaeum sigon it nasambit nga laye hay pagapapanaugan it buwis ro matam-is nga ilimnon mag-eowas sa gatas ag kape ag posibleng owa pa sa tiempo maskin nga manami ro anang intensyon.
Ginpahayag dugang nga ro sugar sweetened beverage tax hay ap-at nga dag-on pa eamang ag kaeabanan sigon nga naga-agi pa sa mahabang paniempo agud nga mabag-o ro habit it mga consumers.
Dapat sigon nga siguraduhon ro suporta bangud sa low consumption it asukar nga maging patas sa sugar farmers.
Madumduman nga nauna eon nga ginpahayag ni DOH Officer in charge Maria Rosario Vergeire nga ro pagpatong it dugang nga buwis sa nasambit nga produkto hay makabawas sa konsumo kara kapareho it nakita sa pagpatong it buwis sa mga alcoholic drink ag tobacco product.
