NATIONAL News — Indi eon magabakae ro Pilipinas it anumang mga bakuna para sa COVID-19 sa makaron nga dag-on.
Raya hay matapos nga ipahayag it Department of Health Officer-in-Charge Maria Rosario Vergeire ro pag-expire it 20.66 milyong doses it COVID-19 vaccines ukon naga-abot sa 8.42%.
Ginpahayag ni Senator Risa Hontiveros nga haeos doble raya sa 4.7% nga pag-uyang it bakuna ko Hunyo.
Gindugang ni Hontiveros nga kon kapin sa ₱500 kada doses ro nauyang nga bakuna, raya hay naga-abot sa masobra sa ₱10.33 bilyon.
Suno sa datos ni Health Undersecretary Ma. Carolina Vida-Taiño, mga 19 milyong doses ro nag-expire. Raya hay halin sa mga donasyon, ag mga ginbakae it local government unit ag pribadong sektor. Owa sigon it nabakae ro national government nga nag-expire, suno kay Vergeire.
Sa mayad nga swerte ag pagabayluhan sigon ro mga raya it COVAX facility.
Target makaron it DOH nga makapagbakuna it booster shot sa 50% nga nagakabagay nga populasyon hasta sa Oktubre 8.
Sa makaron, 21% eamang it target nga populasyon ro nakabaton it maskin sambilog nga booster shot.
Ginabasoe man it DOH sa “sobrang kumpiyansa” it publiko ro manabang numero ngara.
