Naeakip ro Pilipinas sa mga nasyon kung siin nailista it United Nations Children’s Fund (UNICEF) ro mataas nga numero it mga pamatan-on nga drop out sa klase.
Raya hay matapos nga magguwa sa pagtuon it US Agency for International Development nga nagtaas it masobra 25% ro numero it out of school youth sa Pilipinas ko Abril 2020 halin sa haeos 17% eamang ko Enero 2020.
Ginpaathag it Department of Education nga naga-abot sa 1.1 million nga mga estudyante ro owa nag-enroll sa school year 2020-2021 apisar nga nagsaka sa 27.2-M enrolees ro nagparehistro ko Nobyembre 2021 nga mas mataas it haeos ap-at nga porsyento halin sa 26.2-M enrolees nga nailista sa school year 2020-2021.
Kadungan kara, ginpahayag it DepEd nga magapagguwa sanda it learning recovery plan para solusyonan ro mga naging problema sa education set up it nasyon makaron nga may pandemya.
