Sangka panibag-ong sub-type it COVID-19 ro nadiskubre sa China.
Apisar nga owa pa it pangaean, kakaiba sigon ro virus kung igakumpara sa tanan nga COVID-19 variant sa China apang medyo naghalin raya sa BA.1.1 nga Omicron.
Ginsumite eon it China ro virus sa Global Initiative on Sharing All Influenza Data agud nga tun-an it mga eksperto ag makaplastar it mga tikang para mapunggan ro pagkalhit kara.
Natukiban it mga eksperto sa China nga daea-daea ro virus it sangka pasyenteng may mild COVID-19 sa Dalian City ag kaibahan raya sa 13,000 nga nagpositibo sa sakit.
Indi pa masiguro kung pila eon ro tinamaan it bag-ong sub-type kadungan it padayun nga paglobo it kaso it COVID-19 sa China, kaibahan eon ro mga mabahoe nga siyudad kapareho it Beijing ag Shanghai.
