OLYMPIC Update— Natagak eon sa medal competitions ro Pinoy athletes nga sanday Cris Nievarez ag Jayson Valdez sa nagapadayun nga 2020 Tokyo Olympics.
Sumabak ro daywa ko adlaw it Sabado sa kompetisyon apang parehong napas-eawan.
Una kara, si Nievarez hay nagtapos eamang sa ikalimang puwesto sa quarterfinals 4 sa ginhiwat nga men’s single sculls sa Sea Forest Waterway sa Tokyo.
Ro Southeast Asian Games gold medalist nga si Nievarez hay magapasakop pa sa semifinal C/D apang raya hay para eon lang sa rankings.
Si Nievarez ro unang Pilipinong rower halin ko dag-on 2000 nga umabot sa Olimpiyada.
Angot kara, naka-experiensya man it kapas-eawan si Valdez nga pumwesto eamang sa ika-44 halin sa 47 mga shooters.
Bangud kara, owa eon man nakaabot sa finals it men’s 10-meter air rifle si Valdez nga ginpatigayun sa Asaka Shooting Range.
Nakalista si Valdez it kabilugan nga score nga 612.6 points matapos ro an-om nga serye it 10 shots.
