Sueod sa finals it Asian Boxing Confederation Junior and Youth Championships sa Amman, Jordan ro sangka teenager nga boksingero halin Cagayan De Oro City.
Nakabuoe it solidong kadaeag-an ro 17 anyos nga si Eljay Pamisa kontra kay Nima Beygi it Iran gamit ro mga epektibong counter attack ag mapagsik nga footwork sa andang pag-engkwentro sa Al Hossein Sports City.
Ro masunod nga maka-engkwentro ni Pamisa si Abduvali Buriboev it Uzbekistan sa gold medal round it event.
Ro batang Pinoy Bantamweight hay sangka silver medalist sa Asian Junior Championships sa Al Fujaira, UAE ko 2019 kat una pa eamang raya sa 46 kilogram class.
Si Eljay hay gumankon it Southeast Asian games veteran nga si Elmer Pamisa nga makaron hay miyembro it coaching staff it Association of Boxing Alliances of the Philippines.
