-- ADVERTISEMENT --
Ginkilaea it Guinness World Record ro pitong dah-on nga ungang babaye bilang pinakabatang opera singer sa bilog nga kalibutan.
Suno sa Guinness World Record nagtambong si Victory Brinker sa Pittsburgh Public Theatre’s Lights and Legends show ko 2019 ag nagpakitang gilas it haeos waeong professional performances rason nga nabo-oe nana ro nasambit nga record sa edad nga pitong dag-on.
Ginpahayag man ni Brinker sa Guinness nga daywang dag-on pa eamang hay mahilig eon imaw nga mag istorya ag magkanta ag ginakabisar man sigon kara ro bilog nga CD nga may manami nga mga tunog.
Dugang pa kara nga antes pa ro anang ika-an-um nga dag-on nga kaadlawan hay ginapamatian eon nana ro mga opera ag ko ulihi hay naging interesado imaw kara.
