Pagapabaskugon pa it Philippine National Police (PNP) ro pakikipag-angot sa Department of Information and Communications Technology (DICT) ag Department of Trade and Industry (DTI) kontra sa mga scammers nga nagagamit it mga pekeng QR code nga nagakalhit sa mga online platform.
Suno kay PNP Chief General Jose Melencio Nartatez Jr., nagagamit eon it teknolohiya ro mga kriminal para mag-scam rason nga mas pa raya nga pagabantayan it PNP.
Nasayuran nga nagpaandam eon ro mga otoridad sa publiko angot sa bag-ong klase it pagpang-scam nga ginatawag nga “Quishing” ukon “QR Phishing.”
Nagagamit kara ro mga cybercriminal it QR code agud nga daehon ro biktima sa sangka pekeng website para matakaw ro personal ag pinansyal kara nga impormasyon.
Panawagan ni Nartatez sa publiko nga maging mapagbantay ag ireport eagi sa kapulisan kun sangkiri eon nga mabiktima it makarondaya nga klase it pagpang-scam.
