Pope Francis planong magbisita sa Ukraine

Posibleng magbisita sa Ukraine si Pope Francis.

Ginpahayag it Santo Papa nga gina-istoryahan eon it mga opisyal it Vatican ro posibilidad it nasambit nga pagbisita sa Kyiv.

Sa unang kahigayunan hay ginbatikos it Santo Papa si Russian President Vladimir Putin bangud sa pag-atake kara sa Ukraine.

Sa anang diskurso samtang imaw hay una sa Malta, gintawag kara ro Russian president bilang “potentate”.

Owa man maitago it Santo Papa ro kasubo sa padayun nga giyera sa Ukraine kung siin maabu nga mga sibilyan eon ro namatay.