KALIBO, Aklan—Ginpabugae ni Pangueong Rodrigo Duterte nga natuman eon nana ro anang promisa sa mga kasoldaduhan ag kapulisan kaparehas sa pag-doble it andang sweldo.
Sa anang Talk to the People Lunes it gabie, ginpahayag kara nga halin sa anang pagpungko hay anang ginpasiguro nga pagaayuson ro sitwasyon it mga soldado ag kapulisan.
Pila sa mga raya hay ro pag-angkon it mga upgrades sa armas it mga kapulisan ag kasoldaduhan.
Nakaangkon man ro nasyon it mga bag-ong air assets ag maging ro naval assets it nasyon.
Nareyalisar sigon kara nga halin sa anang pagpungko bilang alkalde it Davao hay importante ro pag-angkon it maayos nga relasyon sa kapulisan ag kasoldaduhan.
Ko 2018 hay nag-umpisa nga ipataas it gobyerno ro sweldo it mga kapulisan ag soldado sa nasyon.
