Nagpaguwa ro Sandiganbayan it precautionary hold departure order kontra kay dating Speaker Martin Romualdez angot sa mga naka-pending kara nga kaso sa Office of the Ombudsman nga ginaeakipan it plunder, graft, indirect bribery, ag money laundering nga may kaangtanan sigon sa maanomalyang flood control projects ag budget insertions.
Ginpaguwa it Seventh Division it anti-graft court ro mandu, adlaw it Miyerkules matapos pasugtan ro petisyon it Office of the Ombudsman nga gindihon makaron nga domingo agud nga pugngan si Romualdez sa pagguwa it nasyon samtang gina-imbestigahan ro mga kaso.
Ginmanduan man it korte ro immigration commissioner nga pugngan si Romualdez sa pagguwa it nasyon ag i-eakip ro anang pangaean sa hold departure list.
Ro precautionary hold departure order hay pwedeng ipapanaog kontra sa mga respondent nga ginakabig nga flight risk samtang ginapatigayon ro preliminary investigation.
Ginhinyu it Ombudsman ro mandu angot sa padayun kara nga imbestigasyon sa gina-alegar nga pagkaeakot ni Romualdez sa flood control projects, partikular sa mga national budget nga ginasugid nga may anomalya.
Gusto kunta nga magbiyahe ni Romualdez sa Singapore para sa check-up matapos ro dati nana nga angioplasty surgery, nga gin-aprubahan sigon ni Speaker Faustino Dy III.
