KALIBO, Aklan—Mag-eowas sa bugas, batyag man makaron ro pagmahae it kilo it mga isda sa Kalibo public market.
Base sa price monitoring it Office of the Provincial Agriculture, ginpahayag ni Roselyn Relado, focal person it nasambit nga taeatapan nahampang makaron ro presyo it bang-eos nga kaeabanan nga ginabakae sa P180 hasta sa P200 pesos kada kilo.
Naga abot man sa P100 hasta P120 pesos ro kada kilo it tilapia.
Owa man it pagbag-o sa presyo it tamban sa P70 hasta P80 pesos per kilo.
Apang ro galunggong ag hasa-hasa hay sangkiri ro supply nga naga abot sa tindahan.
Nauna eon nga ginpahayag it mga fish vendor nga nakakaangkon it mabahoe nga epekto sa presyuhan it isda ro pag sangkiri it supply bangud sa pag-agi it maeain nga tiempo.
Owa man sigon sanda it mahimo bangud nga normal nga nagasaka ro andang capital sa kada nagaeain ro paniempo.
