Presyo it itlog, nakaangkon eon it sangkiri nga pagtaas sa pilang baealigyaan sa Aklan

KALIBO, Aklan–Nakaangkon eon it sangkiri nga paghueag sa presyo it itlog sa mga merkado sa nasyon.

Raya hay kasunod it kakueangan it suplay tuga it pagmahae it production cost, feeds ag kaso it bird flu.

Suno kay Nerissa Ortega, vendor it Kalibo Public Market nga nagpatuman sanda it 50 sentimos nga pagtaas sa kada sambilog nga itlog.

Samtang, piso man ro gintaas sa kada sambilog it brown egg nga nakadepende sa size kara.

Ro suplay sigon nanda hay halin pa sa Iloilo.

Gina-abisuhan man sigon sanda it supplier nga nakaangkon it pagtaas sa presyo it itlog bangud sa sigidas nga pagmahae it petrolyo kung siin nagataas man ro transportation cost.

Owa sigon sanda it mahimo kundi magpatong para maeagas ro kapital ag makaangkon it sangkiri nga ginansya.