NATIONAL News — Pagaeauman it mga motorista ro sambilog pa nga round it pagsaka it presyo it produktong petrolyo sa masunod nga domingo nga magamarka sa ikatatlo nga sunud-sunod nga upward adjustments.
Base sa international oil trading sa nagtaliwan nga ap-at nga adlaw, ginpahayag ni Department of Energy-Oil Industry Management Bureau Director III Rodela Romero nga ro presyo it produktong petrolyo hay magasaka it mas manaba sa P1 sa masunod nga domingo.
Ro ginaboeobanta nga range it adjustment sa kada litro hay ro mga masunod, gasoline – P0.50 hasta P0.80; diesel- P0.30 hasta P0.60; ag kerosene – P0.20 hasta P0.40.
Pahayag ni Romero, magasaka ro presyo it produktong petrolyo bangud sa padayon nga pagsaka it geopolitical tension kasunod it pag-atake it Ukraine sa Russian refineries.
Eakip man sa mga rason hay ro production restriction it OPEC ag ro ginapanan-aw nga peak summer season demand nga maga-umpisa sa third quarter it dag-on.
