KALIBO, Aklan—Nagnaba eon ro presyo it sibuyas sa merkado publiko.
Raya hay kasunod it pag-aeabutan it importation sa nasyon.
Suno sa negosyante nga si Jessel Cortes, ro presyo makaron it sibuyas sa merkado hya P250-P280 pesos eon lang ro kada kilo.
Posible pa sigon nga magnaba raya sa mga masunod nga inadlaw eabi eon kon makaabot sa banwa it Kalibo ro imported nga sibuyas.
Sa makaron suno kana hay may una eon man nga white onions ag kinahang-ean nanda nga maidispose ro andang mga stock makaron nga baligya agud nga makaeagas pa sanda sa presenteng presyo.
Ginapanan-aw nga magabaha eon man it supply it sibuyas bangud sa importation apang ginaeauman nga uman raya nga magamahae pag-abot sa buean it Hunyo hasta it Hulyo.
Ro tiba-tiba sigon makaron hay ro mga traders bangud nga posibleng may hoarding eon man nga matabo.
Ro ani it mga mangunguma hay bak-eon nanda sa barato nga presyo ag taguon anay sa storage facility kon sa siin antes nanda ipaguwa kon nagakaubusan eon man it supply ag grabe ro demand.
