SPORTS News– Nagabunae sa masobra $110,000 ukon katumbas it masobra P5.5 milyon ro presyo it unang hampang ni football star Lionel Messi sa anang bag-ong koponan nga Inter Miami sa Leagues Cup.
Raya eon sigon ro pinakamahae nga ticket nga ginabaligya sa sangka sa Major League Soccer team.
Maging ro mga ibang pungkuan hay nagtaas man ro presyo sa unang hampang ni Messi nga pagahiwaton sa adlaw it Biyernes.
Makasambuwa nanda ro Mexican team nga Cruz Azul nga ro pilang presyo it tickets hay nagabalor it $487.
Samtang ro masunod nga hampang ni Messi sa Agosto 20 kontra sa Charlotte hay gaabot sa $288.
Suno sa Vivid Seats nga nagtaas it 90 percent ro presyo it mga tickets umpisa kat naghalin sa Miami team si Messi.
Ro 36-anyos nga si Messi hay sangka decorated athletes nga nagdaog it Ballon d’ Or awards it pitong beses ag naging kabahin it World Cup champion team nga Argentina ko nagtaliwan nga dag-on.
