KALIBO, Aklan—Madinaeag-on nga nakapaguwa ro Philippine Statistics Authority ukon PSA-Aklan it 210,582 ro ePhilIDs ukon electronic printable version it Philippine Identification System (PhilSys) ID ukon national ID sa mga nagparehistrong Akeanon as of February 21, 2022.
Raya ro ginpahayag ni Rene Fernando, focal person it PSA-Aklan base sa andang pinaka-ulihi nga datos.
Samtang, masobra sa 20,000 ro physical card nga natigayon nga maipanupod sa Aklan.
Nasayuran nga nag abot sa 488,077 ro kabilugan nga numero it mga nagparehistro ukon 79.03% it masobra sa 615,475 nga kabilugan nga populasyon it probinsiya.
Raya hay bangud nga ro focus it andang registration hay naka-sentro pa eamang sa limang dag-on pataas ag owa pa ro mg naga-edad it 0 to 4 years old.
Ginduea man ni ro pagkabaeaka it kaabuan bangud nga ginabaton suno kana sa anuman nga transaksyon sa gobyerno ro gin-release nanda nga ePhilIDs sandig sa Executive Order No. 162 nga ginpaguwa ni Pangueong Ferdinand Marcos Jr.
Ro sin-o man sigon nga magapamalibad nga magbaton it ePhilIDs hay mag-report sa andang taeatapan bangud nga ro multa kara hay naga abot sa kapin sa tunga sa milyong peso.
Raya hay kasunod it reklamo it publiko sa mabuhay nga pag-release it physical card.
Target it PSA nga maparehistro ro bilog nga pilipino sa sueod it limang dag-on kun sa siin ro nasambit nga programa hay nag umpisa ko 2020.
