Magabulig eon man ro Public Attorney’s Office (PAO) para mapahilway ro mga overstaying detainees nga sa mga kulongan it mga police station sa bilog nga nasyon.
Suno kay PAO Chief Persida V. Rueda-Acosta, andang pagabisitahon ro tanan nga mga jail facilities para matumod kung may mga inmates nga kinahangean eon igahilway apang nagapabilin sa kulongan it mga police station.
Nagapakig-angot eon man ro PAO sa Bureau of Jail Management and Penology (BJMP) para mapahilway ro mga inmates nga dapat hay hilway eon.
Maghalin sa dating 100 kada buean, target it PAO nga mapahilway ro kapin sa 200 inmates kada buean.
Samtang , suno sa PAO chief, na-tap ro andang opisina nga magbulig para sa decongestion it mga kulongan sa bannasyon pamaagi sa pag-imbestiga sa mga records it mga inmates.
Madumduman nga ko nagtaliwan nga Martes eamang, Setyembre 13 tag pagapahilwayon ro kapin sa 371 PDLs maghalin sa Muntinlupa City kaeakip eon ro mga ginabuligan it PAO.
