KALIBO, Aklan — Ginbuksan eon ro public viewing sa bangkay it binaril-patay nga beteranong mamamahayag nga si Johnny Dayang sa Chapel of the Saints sa St. John The Baptist Cathedral.
Magabuhay it hasta sa sabado nga adlaw ro public viewing agud nga matawhay it kahigayunan ro anang mga igbata, amigo ag mga pumueuyu nga makatau it respeto kana.
Pagadaehon ro anang bangkay sa Metro Manila, kun sa siin idtu man imaw igahatud sa anang ulihing paeahuwayan.
Gin-aywan kara ro anang asawa ag tatlong unga kaibahan si Dr. Juan “JED” Dayang, Jr. nga nagaserbi makaron bilang senior Philippine diplomat.
Madumduman nga ginbaril-patay ro beteranong mamamahayag ko Martes it gabi-i, April 29 samtang sa sueod it anang baeay it owa pa nakilaea nga gunman nga gina-alegar nga naggamit it motorsiklo bilang get-away vehicle.
Imaw ro chairman emeritus it Publisher Association of the Philippines, Inc. (PAPI) ag founder it Aklan Press Club.
