-- ADVERTISEMENT --
Gindeklara it Department of Agriculture (DA) ro outbreak it Avian Influenza H5N1 apang ginkumpirma it Department of Health (DOH) nga maisot nga porsiyento eamang ro posibilidad nga makatapon raya sa tawo.
Pahayag ni DOH Undersecretary Maria Rosario Vergeire, owa it dapat ikabaeaka ro publiko angot sa nasambit nga outbreak.
Ginmitlang man it sekretaryo nga bukon it masami nga nagakatabo nga matapnan ro sangka indibidwal it bird flu.
Samtang, ginpadumdom man ni Vergeire ro publiko nga magdahan pa gihapon ag padayun nga sundon ro minimum health standards.
