Ginpaandaman ni Russian President Vladimir Putin ro Estados Unidos nga kon maga-deploy ro Washington it long-range missiles sa Germany, magahimo man ro Russia it kaparehas nga tikang nga magabutang it mga missiles nga sarang tumama sa na katungdan.
Nauna eon nga ginpahayag it Estados Unidos nga maga-umpisa sandang mag-deploy it long-range missiles sa Germany sa dag-on 2026 bilang pagpahaom sa mas pangmabuhayang deployment nga ginakaeakipan it SM-6, Tomahawk cruise missiles, ag mga hypersonic weapons nga presenteng gina-develop.
Apang, ginpaandaman ni Putin ro Estados Unidos nga posibleng magtuga raya it Cold War-style missile crisis. Angot kara, posible sigon nga mag-umpisa ro Russia it produksyon it intermediate ag shorter-range nuclear-capable missiles ag pagatun-an kon siin raya iga-deploy matapos magdaea ro Estados Unidos it kaparehas nga missiles sa Europa ag Asya.
