Madinaeag-on nga ginpatigayon it mga doktor sa Vietnam ro kauna-unahang penis transplant sa nasyon gamit ro organ halin sa sangka brain-dead donor.
Ro recipient hay sangka 43-anyos nga eaeaki nga nagpaidaeum sa partial penectomy ap-at nga dag-on eon ro nagtaliwan matapos mabo-oe ro parte it anang kinatawo. Ginpatigayon ro transplant sa Viet Duc Friendship Hospital sa Hanoi matapos maid-id nga gin-examine ro anang kondisyon, immune compatibility ag iba pang medical ag ethical considerations.
Uman nga ginbilog it medical team ro mga importanteng parte it transplanted organ, kaibahan ro urethra, corpus spongiosum ag corpora cavernosa. Gumamit man sanda it microsurgery agud nga ikonekta ro mga maintok nga blood vessels ag nerves.
Suno sa mga doktor, maayos ro recovery it pasyente ag owa pa it may nailistang komplikasyon. Sa pihak kara, padayun imaw nga gina-monitor agud nga masayuran kon eubusan nga maibalik ro sensation, erectile function ag normal nga pag-ihi, kamana man agud nga bantayan ro posibleng organ rejection.
Base sa report, sangkiri pa eamang ro madinaeag-on nga penile transplant nga nailista sa international medical literature, rason nga kaibahan ro operasyon sa Vietnam sa mga tumaeagsahon nga reconstructive transplant procedures.
