Nagdihon it libel complaints ro nakakulong nga Pastor nga si Apollo Quiboloy kontra kanday Senator Risa Hontiveros, Akbayan Party-list Rep. Perci Cendaña ag ML Party-list Rep. Leila de Lima.
Ginkumpirma it tatlong mamalidha ro mga reklamo ag ginpamilit nga indi sanda mahadlo sa mga raya.
Ginhambae ni Hontiveros nga padayon imaw nga magasuporta sa mga nagpakilaeang biktima nga nag-atubang sa mga pagpamati sa Senado, samtang gintawag man ni de Lima nga uwa it basehan ro reklamo.
Samtang, ginpahayag ni Cendaña nga indi sanda mag-pundo sa paghandom it hustisya para sa mga nag-akusa kay Quiboloy.
Gintawag man it Akbayan Party-list nga “Laughable” ro mga reklamo ag gin-pandugan ro mga testimonya ag legal records nga ginbulgar kontra sa pastor.
Presenteng ginabista si Quiboloy sa Pilipinas sa mga kasong ginakaeakipan it qualified human trafficking ag sexual abuse.
Ginahinyo mat-a it Estados Unidos ro extradition nana angot it separado nga mga kasong sex trafficking, conspiracy ag bulk cash smuggling, nga nagapasaidaeom pa sa proseso it gobyerno.
