Kalibo, AKLAN-Sa pagpanguna it regional office it Department of Public Works and Highways (DPWH) kaibahan ro mga implementing contractors nanda hay ginredesign ro proyekto ukon gin-palikar ro engineering solution sa drainage may bahin it Mabini Street, Kalibo.
Raya ro pahayag ni Engr. Joey Ureta head it maintenance division it DPWH – Aklan. Ginprayoridad man sigon raya bangud nga raya hay may contract duration nga kinahangean sundon ag magacharge ro implementing office it liquidated damages nga may penalidad sa kontraktor kun inid matapos sa gintaeanan nga tyempo.
Ginklaro ni Ureta nga mahimo raya iredesign kapareho sa pagbaylo sa ibang materyales. Sa pihak nga parte, nga padayon ro anang pag-assign it mga tawo sa patching of patholes kun siin gina-ayos ag ginamonitor nanda ro sa may bahin it Ibajay.
Paathag man ni Ureta nga ubos eun nanda ro budget para sa first quarter ag nag-abot eun ro para sa second quarte nga ginpadisburse man. Samtang, gina-ekspektar man nanda nga mabuhayan nga umabot ro para sa third quarter, kun siin nga may mga alokaran sanda nga mga proyekto.
Hinyo nana nga kun may mga problema sa karsadahon hay indi eun sigon ipost sa social media kundi nga idangop eamang kanda bangud nga insigida nanda ruyon nga aksyunan.
