Magapatigayon it road clearing operation ro Brgy. Andagao, Kalibo sa maabto nga Hunyo 15 it presenteng dag-on.
Suno kay Hon. Juliet Melgarejo, kapitan it nasambit nga Brgy, tuyo kara nga panghawanan ro mga daeanon, kapin eon sa may printe nga parte it sangka pribadong ospital sa lugar.
ageuwas abi sigon nga illegal sandang nagpatindog it andang mga stalls sa binit it karsada, malisod man para sa mga saeakyan, kapin eon kun may emergency, nga mag-agi bangud nga una man rayon naga-parking ro mga tricycle drivers para nga mag-pick up it mga pasaheo.
Dugang pa nana, gin-abisuhan eon ro mga vendors kun sa siin nagpaguwa sanda it letter nga hasta eon lang sanda it Hunyo 15.// nakipag-angot eon man sigon ro andang barangay sa mga nagakaigo nga ahensya para sa pagpatigayon it aktibidad.
Paathag man ni Kap. Melgarejo, may andang gintaeana nga relocation site sa mga sidewalk vendors, kun sa siin sa makaron hay padayon ro pagproseso it program of work sa ginapatindog nga Brgy, Market it andang lugar
Ginpunto pa nana nga una man sigon ro andang konsiderasyon nga mga vendors, apang may laye nga dapat sundon ag ipatuman.
Sa makaron, una sa 50 eon ka mga sidewalk vendors ro andang nalista, kun sa siin paga-taw’an sanda raya it prayoridad para sa paga-ubrahon nga mga stalls sa andang brgy. market.
