Pagaeauman nga makaangkon it pagbawas sa presyo it mga produktong petrolyo sa masunod nga domingo.
Base sa pagtantiya it Department of Energy, posible ro P1.20 hasta P1.50 nga bawas sa presyo sa kada litro it diesel samtang P1.20 hasta P1.50 man sa kada litro it kerosene.
Samtang, halin sa 70 hasta 90 sentimos ro ginaeauman nga bawas sa kada litro it gasolina.
Ginpaathag it DOE nga ro oil prices hay nagapabilin nga under pressure makaron nga domingo sa pihak it pagpasugot it OPEC+ nga i-extend ro andang voluntary production cuts sa 2.2 million barrels per day hasta sa katapusan it makaron nga dag-on.
Ro desisyon hay kasunod it sabat sa nagatinaas nga pagkabaeaka angot sa nagahina nga demand growth, high interest rates ag mataas nga production halin sa US.
Ko Martes hay nakaangkon it dugang ag pagbawas sa presyo it mga produktong petrolyo.
Kaeabanan nga gina-anunsyo ro oil price adjustments kada Lunes ag ginapatuman man kada Martes.
