Rollout it pagtao it 4th dose it COVID-19 vaccine, posibleng ipatuman sa ulihing parte it Abril

Posibleng ipatuman ro ika-ap-at nga dose it COVID-19 vaccines sa ulihing parte it buean it Abril ukon sa unang dominggo it Mayo.

Raya hay sa oras nga aprubahan eon it Food and Drug Administration (FDA) ro emergency use authorization (EUA) angot sa pagtao it pang-ap-at nga dose it bakuna kontra COVID-19.

Suno kay National Vaccination Operations Center (NVOC) ag Health Undersecretary Myrna Cabotaje, nagtao eon it proposal ro DOH sa FDA ag engkaso nga maaprubahan hay insigida nga magaplastar ro ahensya it mga guidelines angot kara.

Ginpahayag ni Cabotaje, kinahang-ean pa gihapon nga tun-an it FDA ro mga benepisyo ag epekto it pagtao it fourth dose.