Nagpatigayon ro Russia it maeapnagon nga nuclear exercises kun sa siin nagpaeupad raya it nuclear-capable missiles ag nagpaguwa it nuclear munitions sa pilang military units sa tunga it naga-grabeng tensyon sa NATO angot sa giyera sa Ukraine.
Suno sa report, kapin sa 64,000 nga tawuhan ro nagpasakop sa sambilog sa pinakamabahoe nga nuclear drills it Russia sa mga nagtaliwan nga dag-on.
Tuyo sigon kara nga testingan ro kahauman it andang nuclear forces engkaso nga makaangkon it agresyon kontra sa nasyon.
Sa pahayag ni Russian President Vladimir Putin, ginpahayag nana nga ro paggamit it nuclear weapons hay nagapabilin nga pinaka-ulihing opsyon, apang gin insister nana nga kinahangean nga magpabilin nga mabakod ro nuclear capability it Russia ag Belarus bangud sa nagabahoe nga pangkalibutanon nga paeag.
Bilang kaparte it training, nag-test launch man ro Russia it nagkaeain-eain nga missile kaibahan ro Yars intercontinental ballistic missile, Zircon hypersonic missile, ag Sineva ballistic missile.
Ginpakita man it militar ro pila sa andang nuclear submarines ag hypersonic missile systems.
Kadungan kara, uman nga nagbaeayluhan it mahaeang nga tinaga ro Russia ag pilang nasyon nga kaalyado it NATO sa Baltic region.
Gin-akusahan it Moscow ro mga nasyong Baltic nga ginpasugtan sigon ro paggamit it andang airspace para sa drone attacks kontra sa Russia, bagay nga ginpamalibaran man it NATO.
