Ginpahayag it pinuno it military intelligence it Ukraine nga posibleng ginaplanuhan ni Russian President Vladimir Putin nga tungaon sa daywa ro Ukraine kapareho it presenteng sitwasyon it North ag South Korea.
Suno kay Ukraine Defense Intelligence Agency head, Brig. Gen. Kyrylo Budanov, bukon it imposible para sa Russian army nga pakion ro Ukrainian government matapos nga owa naging madinaeag-on ro naging operasyon kara sa Kyiv.
Maabu suno kana nga rason para patihan ro nasambit nga teyorya nga buot hambaeon hay pagatinguhaan it Russian forces nga magpasaka it dividing line sa tunga it ginsakop ag owa nasakop nga rehiyon it andang nasyon.
Dugang pa ni Budanov, nagapabilin nga mapag-on ro Russia sa handom kara nga magtukod it land corridor halin sa Russian border hasta it Crimea ag ginaeauman kara nga magahana ro nasambit nga nasyon nga ubrahon nga sambilog ro mga teritoryo nga ginsakop kara.
