Pagapasugtan pa gihapon nga maghampang it mga prestihiyosong tennis tournaments nga Wimbledon ag French Open ro world’s number 1 ag Russian star nga si Daniil Medvedev.
Samtang, may kondisyon ro mga organizers nga dapat magpabilin raya nga neutral ag indi pagpaboran ro andang presidente nga si Vladimir Putin sa ginlunsar nga giyera kontra sa Ukraine.
Una eon nga ginmandu it pilang global sports body ro pag-ban sa tanan nga mga athletes it Russia ag Belarus nga magpasakop sa mga tournament ag paggamit it Russian flags ag national anthem.
Si Medvedev, 26, hay ginbuoe eon man ro anang Russian flag sa anang social media accounts ag tournament representation.
Ko kan-o eamang hay naghampang imaw sa Mexico ag ginpasiguro nga imaw hay neutral.
Gin-insister ni Medvedev, ginasueong nana ro katawhayan para sa bilog nga kalibutan.
Ro French Open hay pagahiwaton umpisa Mayo 22 hasta Hunyo 5 samtang ro pinaka-enggrandeng Wimbledon sa United Kingdom hay nakataeana nga mag-umpisa sa Hunyo 27.
