Uwa napunggan it uean ukon maein nga tyempo ro pagrampa it maabo nga mga modelo sa Old Kalibo-Numanci Bridge kabe, Enero 6 sa ginpatigayon nga Fashion Show.
Malipayon nga ginsaysay ni Sangguniang Bayan Ronald Marte nga raya sigon hay historical bangud nga ginhiwat sa nasambit nga tulay ro fashion show.
Tuyo sigon kara nga ipromote sa mga tumaean-aw ag mga bisita ro pinya cloth nga pangunang produkto it banwa it Kalibo.
Samtang ro organisasyon na Modeled d’ Akaln ro nagpanguna sa nasambit nga aktibidada nga gin-asistiran man it Lokal ng Gobyerno it Kalibo, pinaagi sa pag-alokar it budget, pagsiguro sa katawhayan ag seguridad eit mga tumaean-aw ag mga partisipante.
Samtang pipila man s amga opisyales ag bisita ro uwa nakabot eakip eun ro alkalde it banwa nga si Mayor Juris Sucro pero may mga represetante man sanda nga ginpadaea.
Pagpati ni Marte nga sambilog raya nga pamaagi para nga maipromote ro native nga produkto it banwa ag pati man ro atkento it mga local designers.
