Ginmanduan it Sandiganbayan ro pagpaghilway kay dating Department of Public Works and Highways (DPWH) Secretary Manuel Bonoan matapos daeayon nga mabasura ro mga kasong ginpasaka kontra kana angot it anomalya sigon sa mga flood control project.
Sa kasuguan it Sandiganbayan Fifth Division, ginmanduan ro Philippine National Police (PNP) General Hospital nga pahilwayon si Bonoan.
Una eon nga ginkakas it Office of the Ombudsman si Bonoan bilang co-accused ag planong ubrahong state witness sa imbestigasyon sa mga alegasyong anomalya sa flood control projects.
Halin Hunyo hay una sa kustodiya it PNP General Hospital si Bonoan matapos imaw nga maaresto base sa warrant it Sandiganbayan.
Naghinyo man imaw it hospital arrest bangud sa anang mga ginabatyag, kaibahan ro chronic kidney disease ag prostate cancer.
Posible sigon imaw nga makahilway makaron nga agahon, adlaw it Byernes Setyembre 4 matapos usisaon it PNP ro mga kinahangean nga dokumento.
