KALIBO, Aklan–Ginpakigbahin it sangka Aklanon content creator ro anang inspirasyon sa pagtao it kasadyahan pinaagi sa pagpost it anang mga video online.
Suno kay Jose Fernan Macapaz it banwang Malinao nga halin pa kato hay hilig eon nana ro pag-dub ag mag-vlog.
Ro pagkriar sigon nana it DJ Papang’s page hay nakabulig kana nga maka-recover halin sa gina-agyan nga stress ag anxiety.
Dikara sigon nana ginbuhos ro anang atensyon sa pag-upload it anang mga dubbing video.
Handom man sigon nana nga maging sangka Disc Jockey (DJ) ukon newscaster.
Gusto eamang sigon nana nga makapasadya sa mga tawo ag magtao it inspirasyon.
Sa makaron hay bukon pa it monetize ro anang page bangud may pila pang criteria nga kinahang-ean nana nga maabot.
Apang, sa oras sigon nga kumita eon raya hay maga-umpisa man imaw sa pagbulig sa mga nagakalisod.
