KALIBO, Aklan—Ginpakigbahin it sangka manugturo ag Dangal ng Bayan Regional awardee ro anang programa nga may mabahoe nga impact sa komunidad eabi eon sa pamatan-on.
Suno kay Sharon Repiedad Gungon, Master Teacher 3 it New Washington Elementary School nga nag-umpisa ro anang Project SAGIP Kabataan ukon Sama-samang Pag-agapay at Paggabay sa Pagmulat ng Kabataan ko 2018 sa andang eskwelahan.
Dikara sigon hay nagkolekta sanda it mga reading materials hasta nga nakaangkon sanda it mga reading corner sa haeos kada classroom.
Malipayon sigon imaw bangud mas pa raya nga napaeapad ag nakaabot sa mga kabrangayan.
Sa kamatuoran suno kana hay naga-adto sanda sa kada barangay it New Washington kada adlaw it Sabado umpisa alas-9:00 it agahon hasta alas-11:00 it udtro adlaw.
Ro kada barangay sigon hay ap-at nga beses nanda nga ginabalikan antes magsaylo sa masunod.
Handom sigon nana nga ma-adopt man it ibang banwa ro andang inisyatiba agud mas maabu pang pamatan-on ro maabot it programa.
Tuyo kara nga mas mahasa ro reading comprehension, interes ag iba pang abilidad it mga unga.
