Nagapadayon ro imbestigasyon it Philippine Coast Guard ukon PCG Aklan kon siin halin nga nasyon ro sangka dumueoong turista nga naeomos sa baybayon nga sakop it Sitio Ilig-iligan, Brgy. Yapak sa isla it Boracay.
Ginkilaea ni Coast Guard Lt. Sr. Grade John Manuel Alip, Station Commander it PCG Aklan ro biktima nga si Baron Beddie kon siin bandang alas-2:20 it hapon kat gin-impormahan sanda it beach guard it lokal nga gobyerno it Malay nga may nasapwan nga eaeaki sa nasambit nga baybayon.
Sa inisyal nga imbestigasyon hay sangka dumueoong ag imaw eamang sigon isaea ro nagabakasyon sa nasambit nga isla.
Gintinguhaan pa nga irevive ro bisita ag insigidang gindaea sa ospital apang gindeklara nga dead on arrival it nagtatap nga attending physician.
Samtang, ginpaathag ni Alip nga bukon it advisable magpaligos sa nasambit nga lugar it baybayon bangud nga mabaskog ro humbak tuga it habagat season.
Partikular suno kana sa Ilig-Iligan beach bangud nga unpredictable ro hueag it dagat.
