KALIBO, Aklan – Ginransack ag ginsuoed it sangka uwa pa nakilaea nga suspek ro principal’s office it Pook Elementary School, ku gabei it Oktubre 17.
Suno kay P/major Willian Aguirre, deputy chief of police it Kalibo Municipal Police Station nga base sa report ku school principal it nasambit nga eskwelahan nga nasapwan eun lang nanda nga paeos ro screw it grills sa andang opisina nga naging aeagyan it suspek.
Sa mayad nga swerte hay uwa man it habueo ro suspek nga kun anong may haega nga mga butang, apisar nga may laptop rason nga andang ginadudahan sigon nga kwarta ro eagas it nasambit nga persona.
Paathag ni Aguirre nga apisar nga may CCTV footage hay nautod ro video bangud man sa ginhimo nga pagputoe it suspek sa connection.
Una sa legal nga edad ro suspek ag gina-alegar nanda nga mabuhay eun nga ginaman-manan kara ro lugar hasta nga anang hasueod.
Samtang, bangud sa natabo, laygay man nana sa mga eskwelahan nga mas manami nga mag-invest sa manami nga CCTV, solar lights, maghire it security guards ag indi eun magbilin it kwarta sa mga opisina.
