KALIBO, Aklan — Gindayaw it sangka football enthusiasts sa Aklan ro Philippine Women’s Football Team maskin nga nagtapos eon ro andang kampanya sa 9th FIFA World Cup 2023.
Suno kay Kyle Justin Marcelino, sangka football coach nga naging makasaysayan ro andang kadaeag-an kontra sa New Zealand.
Apang gintapos it Norway ro pagkinasadya it team sa score nga 6-0, sa pinaka ulihing hampang sa Group A kahapon sa Eden Park sa Auckland, New Zealand.
Nagapati si Marcelino nga na-demoralize eagi ro team Filipinas bangud nga sa early game ukon sa unang 13 minutos it hampang hay 3-0 eagi ro score pabor sa Norway.
Bangud sa pagsueod it team Philippines sa FIFA hay nagbukas man sigon ro mabahoe nga oportunidad nga makasueod eon sa quarter ag semi finals it prestihiyong kompetisyon ro nasyon sa masunod nga mga dinag-on.
Samtang, forecast man nana nga mabahoe ro chansa it Filipinas nga makabo-oe it medalya sa nakataeang pagsabak nanda sa Asian Games bangud sa experiensiya sa FIFA.
