-- ADVERTISEMENT --
KALIBO, Aklan–Sa pihak it kalisod, owa nagduha-duha ro sangka ginang nga ibalik ro sobrang kwarta nga gin-release kana it Department of Social Welfare and Development (DSWD) angot sa educational assistance.
Ginpahayag ni Michelle Dela Peña it Brgy. Andagao, Kalibo, sa baylo nga P3,000 ro anang mabaton hay gintaw-an imaw it P30,000.
Nakibot sigon imaw pagkabaton it kwarta bangud masyado raya nga mabahoe rason nga insigida nana nga ginbalik.
Eubos sigon ro naging pagpasaeamat kana it teller nga nag-release kana it kwarta.
Si Dela Peña hay may daywang ka mga unga nga naga-eskwela sa elementary ag sekondarya.
-- ADVERTISEMENT --
Pagagamiton sigon nana ro kwartang nabaton sa pagbakae it uniform, bag ag kueang nga school supplies it anang mga unga.
