-- ADVERTISEMENT --
KALIBO, Aklan—Ginpangunahan ni Kalibo Sangguniang Bayan member Augusto Tolentino ro pagduso it sangka ordinansa angot sa pagbawae it pagbaligya it mga bakuna ag pagkopya it vaccination card nga owa it nagakaigo nga otorisasyon.
Suno kay Tolentino, tuyo kara nga malikawan ro pagpamintaha it pilang grupo ukon indibidwal eabi pa ag sigidas ro pag-aeabutan it bakuna sa nasyon.
Ro sin-o man nga madakpan nga mag-eabag kara hay may paga-atubangon nga penalidad.
Nag-apela man raya sa publiko nga maging madahan ag indi basta-basta nga magpati sa mga tawong nagasumbil it bakuna eabi pa kun owa raya nag-agi sa tamang proseso.
Kinahang-ean sigon nga maging vigilante ag alerto ro tanan para indi mabiktima it mga pekeng bakuna.
-- ADVERTISEMENT --
