KALIBO, Aklan–Ninahan ro sangka pahinante matapos nga ginbuno it owa pa makilaeang persona bandang alas-11:30 kabi-i sa banwa it Banga.
Suno kay alyas Norma, tag-ana it pwesto nga ginpakepahan it biktima matapos nga magpangape hay nagguwa raya para magbalik sa andang trucking.
Apang, makataliwan sigon ro pilang minuto hay nagbalik raya sa anang pwesto nga may lastro sa anang kilid kadungan it pagpahayag nga ginbuno imaw.
Nakita pa sigon kara nga gin-eagas it mga kaibahan it biktima ro nag-andar nga motorsiklo sa unahan.
Apang, owa eon sigon nana masayuran ro masunod nga hitabo.
Gilayon man nga gindaea sa ospital ro biktima para sa nagakaigo nga medikasyon.
Nasayuran nga halin sa Bacolod ro trucking nga ginasakyan it biktima nga may kargang goma nga nakataeana kunta nga iga-deliver sa Manila.
