Inspirasyon si Gary Sarol, sangka Person with Disability sa mga nakakilaea kana sa Brgy. Maloco, Ibajay.
Pagsaysay nana nga antes 5 dag-on hay nakakatikang pa imaw apang bangud sa masakit nga polio hay ginlimitahan kara ro anang panikangon apang para kana hay life must go on rason nga nakatuon imaw hasta it kolehiyo.
Samtang, nagatuon hay maabo man ro anang mga inagyan nga hangkat apang sa bulig man it anang mga kaklase hay anang hatinguhaan ngani maabo ro napailig-on kana.
Nagausoy man eagi imaw it trabaho bangud nga may mga nagapati sa anang kapasidad ngani imaw ra hay gintinguhaan man nga ipakta ro anang kahugod.
Sa makaron, imaw hay may negosyo nga printing ag photocopying shop nga raya kana ro nagasuporta.
Nakakabulig man imaw ra sa mga tawo sa anang palibot eabi eun sa mga estudyante, raya hay bangud nagapati imaw nga nagabulig imaw sa ibang tawo agud nga mabuligan man it mga tawo ro andang kaugalingon ag Diyos eun lang ro bahala.
Malipayon man imaw nga nagagiya sa mga estudyante nga nagadungog sa anang printing and photocopying shop.
Paathag man nana nga dapat hay bug-os tagipouson ro pagbulig sa ibang tawo.
Laygay man ni Sarol nga apisar ano pa ro kakueangan it tawo ukon estado mas manami nga makabulig sa komunidad sa nagkaeain-eain nga pamaagi.
