Ginaduso makaron nanday Kalibo sangguniang bayan members Ronald Marte ag Philip Kimpo ro sangka resolusyon nga tuyo ipromote ro Ati-Atihan Festival 2023 pinaagi sa pagkonektar sa national media ukon international journalist bangud nga nagapati sanda nga may mabahoe nga kontribusyon ag partisipasyon ro media nga naga-cover sa mga activities.
Suno kay Marte, nagpaabot sanda it request sa taeatapan ni Kalibo mayor Juris Sucro may kaangtanan kara bangud nga sambilog raya sa pamaagi nga mapaumwad ro turismo sa banwa it Kalibo ag probinsya it Aklan.
Nasayuran nga ginapursige makaron it lokal nga gobyerno it Kalibo nga madayon ro face to face nga selebrasyon matapos ro haeos daywang dag-on nga pagpaiway kara bangud sa pandemya.
Nauna eon nga gindonar it alkalde ro anang unang sweldo para magamit sa preparasyon it ginakabig nga Mother of All Philippine Festival.
