SPECIAL REPORT — Kaeabanan nga kon may jowa, dapat hay may “bebetime” ukon pagtaeana it oras para sa tawong palangga mo.
Apang paalin kon bukon it bastante ro oras ni jowa bangud sa anang trabaho.
Sangka eaeaki ro nagdesisyon nga mag-resign sa trabaho bilang service crew agud nga taw-an it oras ro anang nobya nga feeling nana hay ana eon nga napabay-an sa Dagupan City.
Maabu nga mga netizens ro naaliw sa ginsumite nga resignation letter it eaeaki.
Raya hay matapos nga ginhinyu nana sa anang employer nga maintindihan ro anang desisyon, bangud nga owa imaw naila nga masamad ro andang relasyon it nobya.
Ginklaru man nana nga bukon imaw it stress ukon owa nanabaan sa anang sweldo, kundi gusto eamang nana nga taw-an it oras ro anang nobya!
Nataeupangdan sigon nana nga bangud sa anang trabaho nga nagakaon it anang maabu nga oras hay naga-antus ro anang love life.
Ro anang girlfriend sigon hay pirmeng nagasampit nga mag-date kada Biyernes ag Sabado, apang pirme imaw nga nagapamalibad bangud sa anang trabaho.
Ag kon Domingo man nga adlaw hay kinahangean nana nga mag-eaba ag magsimba rason nga owa eon imaw it oras sa anang nobya.
Bangud kara, nag-alburuto ro anang nobya ag ginhambaean nga “buabu” ka it dahilan rason nga sa kahadlok nga mauli sa pagbueag nanda nga daywa, nagdesisyon ro eaeaki nga isakripisyo ro anang trabaho.
