Ginpadumdum ni Sangguniang Bayan Member Augusto Tolentino sa mga senior citizens, nabdos ag mga PWDs nga sa Oktubre 30 hay may espisipiko sanda nga oras nga gintaeana para kanda.
Suno kana nga umpisa alas-5 hasta alas-7 it agahon hay ginataw-an it prayoridad ro mga nasambit nga indibidwal rason nga kinahangean nanda nga magtemprano agud nga makalikaw sa pagdagsa it mga botante sa mga voting location.
Abiso pa nana nga magdaea it kaibahan ro mga senior citiens ukon PWDs para malikawan ro kalisod ukon hassle sa pagboto.
Samtang, gindugang pa kara nga pwede man nga maggastos ro mga kandidato apang limitado eamang para sa mga campaign materials kun sa siin base sa laye indi dapat nga mag-eampas sa P5.00 bangud nga engkaso nga magsobra hay makabig eon raya nga vote buying nga posibleng magresulta sa disqualification.
Padumdum nana nga sundon ro mga sueondanan it COMELEC bangud nga kanugon man kun madisqualified ro mga kandidtao, kun sa siin makaron eun ro umpisa campaign period.
Laygay man nana sa mga botante nga pilion ag maging maaeam sa mga pagabotohon nga kandidato sa maabo nga aspeto, siguraduhon sigon nga may maubra ukon madali mapaeapitan ag insigida nga nagaresponde sa kinahang-eanon it barangay.
Suno man kana nga mas manami kung ro mga barangay officials nga magadaog ro mismo nga magpa-eapit sa mga pumueoyo.
