KALIBO, Aklan–Suportado ni Sangguniang Bayan member Agosto Tolentino ro pagtukod it bag-ong tindahan sa banwa it Kalibo.
Suno kana nga kapin sa 300 milyon pesos ro gin aprubahan nga pondo it konseho para sa nasambit nga proyekto.
Apang nakadepende kay mayor juris sucro kon maga-construct it bag-ong public market sa presenteng ginakahimtangan kara ukon igatukod raya sa ibang lugar.
Medyu naulihi eon sigon ro kalibo kumpara sa ibang banwa nga puro bag-ong construct ro andang merkado publiko.
Matapos nga maging kontrobersiyal ro proposal it dating administrasyon ni mayor emerson lachica sa pagbakae it eugta sa brgy. andagao nga temporaryong pagasayluhan it mga vendors, sangka resolusyon sigon ro anang gindihon nga isaylo anay ro mga stall owners sa brgy. buswang ukon estancia samtang ginapatigayon ro construction, apang owa raya nadayun matapos nga maabutan it eleksyon.
Samtang, ginklaru ni Tolentino nga owa imaw nagapamaeabag sa plano ni Kagawad Mark Sy nga ibutang anay ro mga vendors sa kahabaon it toting reyes st., basta nga indi kara maeabag ro naga-eksister nga laye kasunod it pagahimuon nga road closure.
