Nagapasaeamat ro pamunuan it Police Regional Office ukon PRO 6 matapos nga naging matawhay sa pangkabilugan ro selebrasyon it Paskwa sa bilog nga Western Visayas.
Sa impormasyon halin kay PLTCOL Arnel Solis, spokesperson it PRO6 nga mag-eowas sa mga aksidente sa daeanon hay owa it anuman nga major untoward incidents ro nailista kadungan it selebrasyon it kapaskwahan.
Angot kara, eubus ro pagpasaeamat it mga otoridad bangud sa pagbuylog it mga pumueuyu sa andang naging panawagan ag kampanya.
Nagaeaum sigon sanda nga magadere-deretso raya hasta sa selebrasyon it bag-ong dag-on.
Dugang pa nga naga-abot sa 2,000 nga mga pulis ro gindeploy sa mga simbahan sa bilog nga rehiyon ag iba pa nga mga strategic areas ko tiempo it simbang gabi .
Ro nasambit nga numero suno kana hay posible pang madugangan sa pagsug-aeaw it bag-ong dag-on.
