Nag-concede ag ginbaton eon ni Senador Alan Peter Cayetano nga bukon eon it imaw ro Senate President matapos nagsaylo si Senador Joel Villanueva sa bag-ong mayorya it Senado.
Ginaeauman nga magatau raya it bastante nga numero agud nga mag-ilihir it bag-ong lider sa Mataas nga Kapueungan.
Sa sangka pahayag, agahon it Miyerkules, Hunyo 17, ginkumpirma ni Cayetano ro anang pag-concede matapos sanda nga magka-istorya ni Villanueva, ag ginpahayag nga indi eon nana raya pagbaeabagan pa.
Suno kana nga bukon it permanente ro liderato sa sangka demokrasya, raya hay hueam eamang ag owa ginapanag-iyahan.
Ginpaabot man nana ro anang pagtamyaw ag kooperasyon sa sin-o man nga lehitimong iga-ilihir it kapueungan, kun sa siin, pormal nga nabutang si Senador Sherwin Gatchalian.
Ginpamilit man ni Cayetano nga sangka mabahoe nga dungog sa anang kabuhi nga nakapanerbisyo bilang Senate President.
“Offices are temporary, titles are temporary, even majorities are temporary — but your right to the truth is not. I promise you, we will get to the bottom of this. We will find the masterminds. We will hold them accountable,” dugang pa it senador.
Sa pihak it anang pagpanaog sa puwesto, nagpromisa si Cayetano nga pagapadayunon nana ro pakikigsukoe sa kamatuoran anuman ro anang posisyon ukon titulo.
“I may leave the position of SP, but I am honored to still be your PS — your Public Servant,” pagtapos ni Cayetano.
