Uman nga nag-extend it medical leave si Sen. Loren Legarda hasta sa Setyembre 2, suno kay Senate Secretary Renato Bantug.
Ginpahayag ni Bantug nga naka-medical leave si Legarda umpisa Agosto 24 hasta 26 ag magapadayun sa Setyembre 1 ag 2.
Raya eon ro ika-ap-at nga medical leave it senador nga nagasakop sa regular nga sesyon it Senado ag impeachment trial ni Vice President Sara Duterte.
Nauna eon nga nag-leave si Legarda ko Agosto 3–5, Agosto 11–12, ag Agosto 17–19.
Samtang, ginkumpirma it National Bureau of Investigation nga naghalin si Legarda kaibahan ro anang unga nga si Batangas Rep. Leandro Leviste ko Agosto 2, paagto sa France via Hong Kong.
Kasunod kara, ginpahayag it Office of the Ombudsman nga makadueuda ro sunud-sunod nga medical leave ni Legarda bangud sa ginapatigayon nga preliminary investigation kontra kana, Leviste ag dating Energy Secretary Alfonso Cusi angot sa gina-alegar nga ghost solar projects nga nagabalor it masobra sa P10 bilyon.
Ginpamalibaran man ni Legarda ro mga alegasyon ag gin-insister nga “utterly false and baseless” ro mga raya. Suno kana nga ginpatigayon ro anang medical leaves sandig sa mga patakaran it Senado.
