Posibleng indi magtambong si Senador Robin Padilla ag ro pila sa anang mga kaalyadong senador sa impeachment trial ni Vice President Sara Duterte kun magpadayun suno kana ro owa pagsunod sa mga nakabaehag sa laye.
Ginpahayag ni Senador Padilla nga owa pa sanda it pormal nga pag-istorya sa linya it minorya angot sa posibleng pag-absent sa pagbista.
Sa pihak kara, owa sigon nana ginasarado ro posibilidad nga pagatalakayon nanda raya sa masunod nga mga inadlaw.
Ginkuwestyon man it senador ro desisyon it Senate Impeachment Court nga ibase ro kinahangeanon nga two-thirds vote sa numero it mga senador nga aktuwal, ag ligal nga nagapasakop sa impeachment proceedings.
Ginpamilit pa it senador nga may mga hitabu nga nagatuga it pagkabaeaka sa andang linya, eabi eon pag-abot sa pagpatuman it nakabaehag sa Konstitusyon.
Ginpamilit pa ni Senador Padilla nga indi dapat maimpluwensyahan it pulitika ro proseso it impeachment ag dapat magapabilin nga nakabase sa laye ro mga tikang nga ginapatigayon sa pagbista.
