NATIONAL News — Owa napugngan ni Senate Deputy Minority Leader Risa Hontiveros nga magtindog ag magpalakpak kay Presidente Ferdinand “Bongbong’’ Marcos Jr., sa anang ika-tatlo nga State of the Nation Address (SONA) matapos nga gin-anunsyo kara ro pag-ban sa mga Philippine Offshore Gaming Operators (POGO) sa Pilipinas.
Ginpahayag it senadora nga raya ro pinakauna nga kahigayunan nga nagtindog imaw ag nagpalakpak para sa presidente.
“This one was the first time for me to stand up and applaud at a SONA dito sa kanilang desisyon laban sa POGO,’’ pahayag it senadora.
Gindugang pa ni Hontiveros nga masarangan it gobyerno nga masolbar ukon mapahalin ro mga POGO sa nasyon sa katapusan it dag-on kon taw-an raya it manami nga hugada it anang administrasyon.
Mas mayad sigon kon makaron eagi raya aksyunan, apang kuntento eon imaw sa gintaeana nga timeline nga hasta sa December 31, 2024.
“Kung kaya ba itong gawin ng gobyerno, gobyerno din kasi ang nagbigay daan sa POGO eh. Panahon ni Duterte. Practically nag open door policy siya sa POGO. Maraming matatamis na pangako na halos lahat o kung hindi man lahat na pako and we are contending with the very ill effects, evil effects, ng POGO hanggang sa ngayon,’’ dugang nga pahayag ni Hontiveros.
“So kung kinaya ng gobyerno noon, bigyang daan itong perwisyo ng POGO. Siguradong with the same powers na dati inabuso para bigyan daan ang POGO. Sigurado kakayanin dapat ng gobyerno sa lahat ng kapangyarihan niya,’’ dugang pa sang Senadora.
Sa anang Facebook page, ginmitlang ni Hontiveros nga bilang Chairman it Senate Committee on Women nga nagapanguna sa mga imbesitgasyon sa nagakatabu nga krimen nga tuga it POGO, indi nana mapugngan ro kalipay nga nabatyagan sa pag-ban ukon pagbawae it administrasyon sa POGO sa nasyon.
